Monday, October 23, 2006

إحنا في البوبز وما نعرفش!

ضغطت على هذا الرابط لأختار ما بين جار القمر وما بدالي ففوجئت حالا إن مدونتي في العشر مدونات المرشحة للبوبز - مضافة من ما يقرب من شهر
مش قادرة أقول إني مش مدهوشة جدا
معلوماتي عن المسابقة ضعيفة
معقولة كدة؟ كان ممكن تعدي كل حاجة وما أعرفش حتى إن المدونة مترشحة؟
حتى عشان أفرح شوية؟
طب مش حد يقول لي؟ يصفر ... أي حاجة
ما علينا .. أول ما أتعلم أتعامل مع الإتش تي إم إل هأكتب علي المدونة
"رشحت ضمن أفضل عشر مدونات في مسابقة الدويتش فللا ... وما كسبتش!"
شاكرين من أكرمونا بالترشيح
عودة بقى لنفس المشكلة: جارالقمر ولا ما بدالي؟

13 comments:

ألِف said...

خليك ديموقراطية و رشحي نفسك.
المشكلة الوحيدة في هذا الموضوع هي عندما يكون الصوت الوحيد الذي حصل عليه المرشح هو صوته، لكن أظنك تجاوزت هذا الموقف بستة أصوات :)

Anonymous said...

اظن ان عدد الترشيحات بقه فعلاً سبعة

AG said...

ممكن أصلا تصوتي لنفسك كل يوم مرة أو اثنين.

التصويت للعامة والدهماء. أنا كنت الثاني من تحت السنة ال فاتت، وبرضو كسبت في الغرف المغلقة.

أحمد said...

يعنى الناس هتعمل لك ايه؟
ما انتى اللى مش حاته اى ايميل او طريقة الواحد يعرف يوصل لك بيها علشان يبلغ الخبر ؟
ع العموم انا هحافظ على سرية التصويت و هحاول مش اقول انا اديت صوتى الشخصي لمين
:-)

كمان احنا لينا رجالتنا في اللجنة
منال عضوة لجنة التحكيم ، و ممكن نحاول نأثر عليها سواء بالترغيب او التهديد

سؤراطة said...

أحمد: منال هتفرح بيك جدا جدا لما تعرف إنك بتعتبرها "رجالتنا" في اللجنة
غالبا إنت إل هتتعرض للترهيب :)

ألِف: يا سيدي زي ما بيقول صاحب الأشجار الترشيح ده حاجة كدة عشان "جائزة المستخدم"، بس فعلا ممكن الواحد يصوت لنفسه أو لحد تاني لا نهائيا. أنا لسة يعني بأشوف هي المسابقة ماشية إزاي

صاحب الأشجار: نعتبره فألا حسنا إذا إن أنا الثانية من تحت، يا راجل ده أنا ورايا رحاب بسام بجلالة قدرها، فأكيد الترتيب ده مالهوش أي معنى معين :)

Amr Ahmed said...

ونحن نطالب اللجنة ب..........حتةفتحي سرور
ازيك مبروك علي الترشيح بس عاوزين انتخابات نزيهة اوعوا تاجروا بلطجية مع امنياتي بالتوفيق

Anonymous said...

بعيدا عن فكرة التصويت وظلم اختيار مدون واحد
أهم 3 مدونات مصرية هذا العام هي بدون ترتيب:
نورا يونس - لتغطيتها أحداث إجلاء اللاجئين السودانيين
جار القمر - لتغطيتها الأحداث الطائفية في الأسكندرية
الحرملك - لتناولها القوي والفريد لمسائل جنسية شديدة الأهمية من وجهة نظر أنثى مصرية
منالاء - لحوار علاء الفريد مع صديق دنماركي حول معنى رسوم يلاندز بوستن للنبي محمد
مالك إكس/صوت حر/الوعي المصري - لدورها الأساسي في تفجير التحرشات الجماعية
المتكررة بشهادتهم الموثقة وتأثيرهم في وسائل الإعلام التقليدية
بهية/طي المتصل - لمتابعة بهية المتمحصة والعميقة لأزمة القضاء المصري ومجهود ألف في ترجمتها وتوثيق القضية

عمرو عزت said...

و يا تري وصلتي لإيه ؟

:)


كنت أتوقع وجود مدونات هامة مثل رنك هية
و أحد
و طي المتصل
و
أفريكانو

و لكن أعتقد أن لكل مسابقة معايير و بعض التحيزات
فلا توجد معايير ما يمكن الحكم من خلالها علي جودة كل المدونات بشكل عادل
للتنوع الكبير في الاغراض و الاساليب و انماط الكتابة و الاهتمامات


لقد قمت بالفعل بترشيح بعض المدونات للمسابقة
منهم مدونتك يا زبيدة
و لكن يبدو أن آخرين رشحوك أيضا
فالصورة المرفقة بالترشيح ليست مثل التي وضعتها

سؤراطة said...

عمرو عزت: إنت رشحتني بنفسك؟ أنا محدش هيعرف يكلمني بعد كدة
المدونات إل ذكرتها بتاعة رنك هبة وطى المتصل وأفريكانو وأحد بتعتبر مدونات في فئات لوحدها

تقدر تقول خارج المنافسة: بالذات رنك هبة
أكيد الاختيار صعب جدا من بين المدونات العربية

ما تيجوا نعمل مسابقة موازية؟

عمرو عزت said...

فكرة و الله

أعتقد يمكن استخدام المجمع عند أبينا علاء
و يمكن التفكير في ضوابط ما للتصويت لكي يكون الأمر معبرا فعلا

Anonymous said...

عارفة يا زبيدة
انتي وصلتي البوبز ازاي
بالتعريص
ودي الحاجة الوحيدة اللي مكنتش اتخيل الاقيها علي النت
لكن هيا دي مصر يا مومس
طبعا انا مش مستغرب ان مدونتك المجهولة تترشح في مسابقة كدة
المعايير اللي بيختاروا علي اساسها انتي طبقا مطبقها بالملي
اتقي الله في كلامك اللي بتكتبيه دة لو كنتي اصلا مؤمنه بالله

سؤراطة said...

المعلق المجهول:
صحيح هو ده سبب الترشيح؟
طب يا راجل مش كنت تقول من بدري عشان كنت ظبطتهم وكسبت الآي بود؟ لازم يعني تستني لحد ما خدها هيثم؟
هي مش المومس برضة من حقها "شرعا" تتكسب من "المومسة" على الأقل عشان تستحق اللقب؟
مافيش فتوى يا ألف بشأن الأسم "مومسة" صحيح لغويا ولا غلط؟ أنا لسة مخترعاه دلوقتي حالا

عمرو عزت: أديني جبتلكوا الكلام أهه :)
طلعوا بيرشحوا المدونات "قليلة الأدب"
معلهش، مش هأقولك بقى الاسم الحقيقي طبقا لفتوى المعلق المجهول، أنا لسة واخدة موقف من ألفاظ الشتائم الجنسية بتاعة الشوارع. بس بكرة أخف وأقول كل حاجة .

واثق الخطوة said...

سماء روحي
منتديات سماء روحي
منتديات
خواطر
البرامج
sitemap