Tuesday, January 22, 2008


إخص عالمسأفين، إخص




الكلام ده حقيقي؟

لو هو حقيقي، يبقى إخص على المسأفين، الخوافين
قال إيه أحسن الخفافيش تنبعج نفسيتهم الحساسة
يعني يا ربي البنت الجميلة دي مكتوم نفسها في الحقيقة من الخفافيش ... وفي الصور من المسأفين؟
قول معايا: إخص

انشروها ... يمكن إل تبرأ منها اكراما للخفافيش ينكسف ويختشي

* الصورة لسعيد أبو معلا، والقصة من هنا

18 comments:

Ma3t said...

لسة كنا انا و الف بنتكلم على الصورة دى امبارح

البنت اصلا صغيرة جدا, انا مش مصدقة ان ده مجال للنقاش سواء من المسأفين :) او غيرهم

زبيدة said...

طلع مجال للنقاش يا ماعَت
من ساعة ما الحكاية ماعِت :)

لا مؤاخذة، الأفية حكمت :)

وإنت إزيك كدة؟

malekx said...

عادي,هي مش كملت 9 سنين؟تبقى ينفع تستت,هي اللي قبلها كانت احسن منها؟ست ستها اتجوزت من سيد سيدها في نفس السن,وبعدين هي مش اتحجبت؟يبقى خراط البنات خرطها,وبقت مزمازيل.
على فكرة الساقية,مكان معمول للطبقة الوسطى بمشاكلها يعني,فعادي ان دا يحصل.
عاتشي
"ممكن تسمحي بالتعليق بواسطة الاسم المستعار,اصل موضوع اني لازم احط حساب,رخم جدا"

محمد عبد الغفار said...

ضل الطريق بينا
ومشينا مادرينا
مين العدو من الشجيج

ahmad said...

طبعا مش فاهم القصة ، و لما حاولت أفهم لقيت انو لازم يبقى عندي حساب في فيس بوك

هي مش المدونات المفروض فيها مواضيع مفتوحة للجميع؟

ألِف said...

أشكرك لأنك طلعت الموضوع دا خارج اسوار فيسبوك.
شفته الموضوع من خلال حساب معت و ما كنتش عارف أعلق.

الطفلة دي أصلا المفروض تنزل البحر بلبوصة.

يعني أهلها لبسوها الحجاب، لأنهم شايفين أن دا كويس، و أنا مش معترض على شوفتهم دي ﻷن كل عائلة تربي عيالها زي ما هم شايفين، لكن لما الطفلة تتصرف طبيعي على البحر و تلعب و ترفع الجلابية علشان ما تنبلّش ما تجيش الساقية أو المعلقين البهاوات على سبوتنك يعملوا فيها بتوع بقى و مدافعين عن الحجاب. خليكوا بني آدمين يعني.

Ma3t said...

معلش يا الف, اعتقد انك ما قريتش تعليقات فيس بوك كويس, معظم اللى معلقين بيقولوا كلام قريب من كلامك, انها طفلة و بتلعب و منطلقة

زبيدة said...

ألِف:
إيه حكاية سبوتنك؟

مالك:
معلهش يا مالك عشان حسابات الدخول، شوية كدة بنهش التعليقات إل مالهاش لازمة عشان الناس تعرف تقرأ التعليقات من غير زحمة فاضية

Ma3t said...

اه ايه ده انا كنت فاكراه بيقول "فيسبوك" مين سبوتنك ده؟؟؟؟

معلش يا زبيدة

عمرو غربية said...

دا سبوتنك. أصل ألِف رائد فضاء قديم. أنا أعرفه من زمان.

ايوية said...

الموضوع مش مستاهل كل الضجة دة طفلة فى لحظة برائة بتلعب مش واخدة اى خوانة ان حد ممكن يعمل على صورتها كدة
لية بنضخم كل الامور

ahmedzakaria said...

انا مش شايف الساقية غلطت اوي !
هي عندها مذهب معين ! ,لو انا صورت صورة ضد اسرائيل - مفتكرش حد بيحبها اوي - وتقدمت بيها في مسابقة تتبع مكان من قوانينة الإبتعاد التام عن السياسة فلن تقبل الصورة وساعتها لن نقول اصل احنا خايفين علي الإسرائيليين لحسن تنبعج نفسيتهم الزئبقية !
الأمر ليس له علاقة بمحتوي الصورة من اساسة بل له علاقه بكون هذا المحتوي بخالف مذهب الساقيه ( سواء اتفقنا او اختلفنا او شايفين إن ده صح او غلط )
ليس عندي ادني ما نع من مناقشة محتوي الصورة والذي اراه قميئا ! لكن ليس
اخصًا علي المسأفين
هذا رأيي علي كل حال
مع تحياتي
احمد

karakib said...

الساقية مع الرقابة و المنع و المصادرة .. ده مش سؤال علي فكرة ده واقع مؤكد
و مش بسبب الصورة دي بس
لأ ده في اسباب تانيه كتير اوي

كريم بهي said...

اخص
بس وبعدين
المشكلة اكبر من اخص

دى مشكلة فكر وعادات وضمير احيانا
برافو عليكى
مدونتك عجبانى اوى بجد يا زبيدة
واتمنى لو تزورينى

كريم بهي

Alexandrian far away said...

مممممم
صباح الخير يا زبيده
الفايس بوك معموله بلوك من الشركه حأستنى لما ارجع البيت واشوف أيه الموضوع
لكن الصوره ظريفه فعلا

أيه الموضوع؟!!!!

Diyaa' said...

ربنا يهدي الجميع
مجتمعنا بيعاني من التطرف
التطرف في التمثيل..والفساد والكدب ..التطرف في إدعاء البطولة التطرف في إدعاء الأهمية، والتطرف في إدعاء الأختلاف أو التميز عن الآخرين..التطرف في التحرر ..التطرف في التذاكي ..والتطرف في الدين
تفتكري أنهي فيهم اللي جايبنا ورا ؟
ولا كلهم ؟
الخلاصة إحنا مجتمع متطرف ..والتطرف في الدين بس اللي بيقلق باقي المتطرفين.. مجتمع مستحيل يجتمع علي إنه يبقي وسط ..ربنا خلقنا أمة وسط لكن الغباء البشري مبيسمحلناش نستوعب الحقيقة دي
لازم شوية الهبل والعبط اللي بيحس معاهم الناس إنهم ماشيين صح

على باب الله said...

كيف تستر شيء هو في الأصل بريء ؟

--

أخص و الف أخص علي الخفافيش

و علي المسقفين الجبناء

---

واثق الخطوة said...

شكراً لك

سماء روحي
منتديات سماء روحي
منتديات
خواطر
البرامج