أنت تأمر يا سولو
إلا موضوع المركب ده حكاية
وطلع أصعب مما كنت فاكرة
ماكنتش لاقية سبع حاجات بأعرف أعملهم
ما علينا
أشكرك على الدعوة الكريمة إلى المركب – ولا هو ما بقاش مركب – ده بقى كاس وداير
ونتمنى ألا تتسبب سبعات الحرملك في إغراق المركب


سبع حاجات بأعرف أعملهم:
1- أمشي مسافات طويلة
2- أقعد في السينما من الصبح لبليل
3- أعلم نفسي حاجات من غير معلم
4- أجلس وحدي بدون أن أكلم أحداً مدد طويلة
5- أمثل إن أنا مش خايفة
6- فراخ بالكريمة
7- أشوف التفاصيل الصغيرة




سبع حاجات مش بأعرف أعملهم:
1- أصبر وما أطلبش الحاجات "الآن وحالاً"
2- أشتغل لما أكون مش نايمة كويس
3- أوضب المدونة باستعمال اتش تي إم إل
4- أرد على التليفون أول ما يرن
5- أسكت لما حد يزعل حد بأحبه
6- أستحمل الأصوات العالية
7- أعدي يوم من غير ما أكلم "..."

سبعة أشياء أتمنى فعلها:
1- ألف أكثر من بلد على رجليا
2- أتعلم ركوب الأمواج
3- أحرر أسلوب كتابتي من التعبيرات المكررة
4- أرد في نفس اللحظة على من يهينني
5- أنام بميعاد
6- أدرس علم اجتماع
7- أمسك يد انسان يحتضر وحيداً

سبع أشياء أقولها دائماً:
1- يعني
2- انسانية
3- فعلاً
4- (*****) كود سري بيني وبين "..." لا أستطيع افشاؤه ولكنها أكثر كلمة أستعملها في حياتي J
5- يا راجل (للرجالة طبعاً)
6- سلامات
7- عبثية

بس كدة

سلامات