بتسأل مين هو الرشيد؟ ... أهه************************

من الحاجات الطريفة بشأن مدونة الحرملك، إن معظم زوارها مش ممثلين على الاطلاق للوضع العام، ذكوراً واناثاً، زوار كان معظمهم بيتناقش بصدق، ولم يكن فيهم أي ممثل للرشيد - بطل المدونة، وأخيراً تعطف علينا الرشيد وزارنا في الحرملك، ممثلاً عن جنسه بأكمله، وهو ليس جنس الذكور: إنما جنس الرشيد

تعليق من مدون اسمه دكترة

التعليق ده لقيته هنا

"دي اول مشاركة لي في هذه المدونة علشان كده عايزها تكون ايجابية وعملية
ولأن انت اسمك زينب يعني اسم عربي اصيل وبما انت مصرية
فانا باطلب منك انك تجربي نفس الموضوع ده وبعدين تقوليلنا شعور البنت المصرية هيبقي ايه, خاصة ان انت والكثير من المصريات اتعرضوا للختان يعني جزء كبير من بظرهم مقطوع ومعدش فاضل عندهم غير حتة كدة بتعريفة,
مش زي البطلة الفرنسية اللي هما اكتر الناس في العالم استمتاعا بالجنس
"

التظليل والخط المائل من عندي

الدكترة بيسخر بخفة دم يحسد عليها من عملية بشعة اسمها: "التشوية الجنسي للاناث" وفيها، بعد أن يقطع "شخص ما" بظر طفلة يلفه في قماشة ويربطه على معصمها - تسير بها حتى يطيب جرحها، كأن جرحاً كهذا يمكن أن يطيب
حُفِظْتُم جميعاً - نساءاً ورجالاً - من أن يقطع أحدهم جزءا ًسليماً صحيحاً هاماً من أجسادكم ويربطه على معاصمكم حتى لا تنسون

اللطيف كمان إن فيلم "قالت ليلة" كان يحكي قصة مجموعة من الشباب العرب في فرنسا، عجزوا عن احتمال "ليلة" الفتاة "العذراء" المنفتحة على مشاعرها الجنسية والتي ترفضهم جميعاً، ولا تقبل منهم إلا "شومو" الذي تحبه وانتهى بهم الأمر باغتصابها

الدكترة، وهو بيجرب فتح المندل، طلعله من المندل إيه؟
1- إن أنا اسمي زينب
2- إن أنا مصرية
3- إن أنا تعرضت للتشويه الجنسي إللي هو بيسميه خطأً زي ناس كتير "الختان" ومعدش فاضل عندي غير حتة كدة بتعريفة - وهي مناسبة للسؤال: هي التعريفة تشتري قد إيه بظر اليومين دول في التسعيرة الجديدة؟
4- إن أنا لم أجرب ركوب دراجة في طريق وعر
5- إن الفرنسيين أكتر الناس في العالم استمتاعاً بالجنس

وبما إني لا أذكر أي علاقة سطحية بالدكترة المذكور أعلاه تسمحله بمعرفة اسمي ولا علاقة حميمة تسمحله بمعرفة حالة بظري ولا عاداتي الاستمنائية فأكيد هو جرب يفتح المندل

أنا مش هأقولك شعور البنت المصرية بينما تحاول الاحساس من بقايا بظر، إلا لما تقولنا إنت بقى يا دكترة رأيك لو اتجوزت واحدة - أو لو كانت أختك أوبنتك بتعرف تستمتع بالجنس وتقدر في أي لحظة وفي أي مكان تحس؟ يعني تبقى قاعدة جنبك على الكرسي وانت واجع دماغها بكلام فارغ وهي مضبطة نفسها وسعيدة وعمالة تهزلك راسها وهي ولا هنا ... وزي ما انت بتنتصب كدة يا شاطر لما تشوف مؤخرة جنيفر لوبيز ولا آل مكفيرسون رافعالك الصدر الأعظم، هي كمان "بتهيج" - يا لهوي تصور؟ - لما تشوف الواد ده "ماثيو ماكوني"، صدره يعني حاجة موصوفة للبرود الجنسي لدى النساء.

من غير ما افتح المندل ممكن أستنتج هتعمل إيه لو اتجوزت واحدة "مصابة بالغريزة الجنسية": هترجعها وتقولهم هاتولي فلوسي: أنا عايز واحدة مقطعة وناقصة، وفاضل عندها حتة كدة بتعريفة، وياريت مش فاضل خالص، عشان أنا أناني وما يلزمنيش إلا قناة عضلية رطبة أستنمي فيها بدل ما أستعمل الصابون، خاصة إن الصابون غلي والستات رخصوا

والمندل بتاعي أنا بقى قاللي إنك أكيد هتختار تتجوز فتاة تعرضت للتشويه الجنسي - فهتعرف لوحدك إيه هو شعور البنت المصرية وهي تحاول الاحساس من حتة كدة بتعريفة ومش هتحتاج إن أنا أقولك
مُتِعْتَ بالصحة وصلابة الانتصاب وتأمين صحي يصرفلك أقراص الفياجرا والليفترا التي تمكنك من حشر قضيبك حتى الثمانين والتسعين من العمر المديد في مهابل نساء لم يبق لهن إلا "حتة كدة بتعريفة" فلا تثير شيئاً من مشاعرهم التي تفزعك بأكثر من الملل والرغبة في أن تنتهي بأسرع ما يمكن وتتقلب تنام