Saturday, October 08, 2005

كلمة ورد غطاها
هي: مش هتبطلوا رغي وتنزلوا تعوموا؟
هو: لأ، أصل أنا ما بأرضاش إنها تنزل بالمايوه
هي: طيب، أسيبكو بقى تقولوا كلام المخطوبين وأنزل أنا آخد غطس
هو: لأ استني مانا جاي معاكي
******************************
تتصوري كتاب حروف الهجاء بتاع الحيوانات بتاع البنت مكتوب فيه للعيال "ل" لبؤة، فالبنت راجعة تقوللي يا بابا لام لبؤة، لام لبؤة

هي: طب ما هي لام لبؤة

هو: أيوة بس دي كلمة عيب

هي: ليه؟

هو: عشان شتيمة مش كويسة

هي: أيوة ليه يعني؟

هو: مش عارف بالضبط، بيقال إنه عشان هي إللي بتطلب تنام مع الأسد لما بتكون هايجة

هي: قلة أدب فعلاً !!!

هو: كانوا حطولهم أي حاجة، لام لاما، لام ليث حاجة زي كدة

هي: يعني تبقى ألف أسد ولام ليث؟

هو: وماله؟

هي: طب ما نخليها ألف أسد وسين سبع وغين غضنفر ولام ليث

هو: مش أحسن من لام لبؤة؟

هي: هو مش أحسن قوي، على اعتبار إن الأسد والسبع والغضنفر والليث كلهم ولاد لبؤة في الآخر، فالمفروض يلغوا الفصيلة كلها من كتب العيال

هو: انت بتتريقي عليَ؟ طب أنا هأخلي البنت ما تقولهاش حتى لو الميس سألتها

هي: وأنا مالي، ياكشي تشيلها حرف اللام كله من الأبجدية وتخليهالها 27 حرف
********************

هي: مكتوب في المجلة إن 40% من الستات المتزوجات بيمارسوا العادة السرية
هو: هي الستات ينفع تمارس العادة السرية؟
هي: انت أهبل يابني؟
هو: لأ يعني بيمارسوها إزاي وهما ماعندهمش ...؟!
هي: لا يا شيييييييييييييخ؟!!!!!!!!!!!

****************************




الأولى: الرجالة بيقرفوا من الستات إللي ما بيشيلوش الشعر
التانية: يقرفوا على نفسهم
الأولى: وأما يروح يقول لكل لناس دي مش نضيفة، دي مش نضيفة؟
التانية: ناس مين؟
الأولى: يشتكيها لأهلها مثلاً
التانية: ولا حاجة، تشتكيه هي كمان لأهله وتقولهم إنه مش نضيف وجسمه مليان شعر
الأولى: يا صلاة النبي ....
************************

هو: أنا رأيي حتى لو الست اشتغلت قائد طائرة لازم دايماً تطير مع طيار على درجة قائد مش مساعد قائد
هي: ليه بقى انشاء الله؟
هو: عشان فيه أيام في الشهر هتبقى مش مؤهلة لاتخاذ قرارات مصيرية فما ينفعش تتحمل المسئولية وبتبقى متعصبة
هي: وده في آخر الشهر عشان القبض بيتأخر ولا إيه بالظبط؟
هو: انت هتستعبطي؟
هي: بذمتك ودينك أنا إللي باستعبط؟
********************
هو: أرجوكي بلاش تلبسي فوق الركبة!
هي: ليه؟
هو: أوحش حاجة في الدنيا ركب البنات
***************************


هو: عايزك ترقصيلي
هي: ما باعرفش أرقص
هو: مافيش بنت ما بتعرفش ترقص
هي: آه يعني بتتولد جاهزة تهز بطنها وصدرها مش كدة؟
هو: هما بيقولوا كدة
هي: هما مين؟
هو: الناس
هي: هما الناس هيناموا معانا ولا احنا لوحدنا؟
هو: مش هترقصي يعني؟
هي: هارقص، لما تتحزم وتهز وسطك وتفرجني جمال رجليك، وأشوف الموضوع يستاهل ولا لأ
هو: انت ما فكيش ريحة الأنوثة
هي: دي حاجة يُسأل فيها دكتور تحاليل
هو: يعني أنا هأثار إزاي من راجل زيي؟
هي: وأنا هأثار إزاي من راجل زيك؟
هو: يبقى نفضها، أنا مش عايز أنام مع عليوة الجزار
هي: طب بذمتك شفت عليوة لما شمر الجلابية واتحزم ورقص فشر فيفي عبدة؟ راجع نفسك، يمكن تحب تنام مع عليوة الجزار
******************


هي: ترضى تتجوز واحدة مش متطاهرة؟
هو: لأ طبعاً
هي: طب تعرف إزاي إذا كانت البنت متطاهرة ولا لأ؟
هو: يعني، مش عارف بالظبط، بس دكها بتبقى فالتة
************************


الأولى: تامر .......... تااااااااااااامر .... تاااااااااامييييييييييييييييييير
التانية: .................
الأولى: بأنده عليكي من آخر الشارع بقاللي ساعة مش تردي؟
التانية: انت ندهتي عليَ؟
الأولى: أيوة، قعدت أقول يا تامر
التانية: طب وهو أنا اسمي تامر؟ لما تندهي على تامر، استني تامر يرد عليكي
***************************

هو: أنا أحب الرجالة الجدعة
هي: أنا أحب الرجالة عموماً
هو: .....................
*********************

هو: وأنا ليه أتجوز واحدة اتباست قبل كدة؟
هي: مش لسبب معين، بس اطمن، هي عمرها ما هتحسسك انها "اتباست" قبل كدة، دايماً هتحسسك إنك أول بوسة، حتى لو كانت لا مؤاخذة اتباست من أمة لا إله إلا الله كلها قبل
كدة
هو: طب مانا هأعرف
هي: هأو، كان غيرك أشطر

15 comments:

Slim said...

Fascinating blog, enjoyed the read.

A currency exchange site/blog.
Top currency exchange facilities for all.
Don't miss it :-)

haisam (jarelkamar) said...

رائع ..رائع بجد

اهلا بيكي

Pianist said...

أوحش حاجة في الدنيا ركب البنات
مين قال كده
هو ازاي حد يقول علي جزء من اجزاء جسم المراة انه مش حلو؟
انا بصراحة مش بافهم الحكاية دي
المهم
بوست رائع

Guevara said...

البوست عجبني جداً .. بس مين العبيط أو مين العبط دول و النبي؟

لو دي حوارات حدثت بالفعل كلها .. يبقى كانت مع واحد عنده 6 سنين بالكتير .. أو واحد أول مرة ينزل من بيتهم كان امبارح الصبح

ربنا معاكي

و على رأي هيثم .. أهلاً بيكي

Anonymous said...

GREATTTTTTTTTTTTTTTTTT ARTICLE KEEP ON WE NEED ALOTTTTTTTTTTTTT LIKE U

لـيـلـيـت said...

جامدة جامدة جامدة بجد
يخرب عقلك !

Peach said...

LOL u're sense of humor is amazing!! ;)

Nightlegend said...

انتى مش ناويةتكتبى تانى ولا ايه؟
اوعى تكونى معتكفة فى رمضان!!

***** said...

زبيدة بتشكركم جداً

وبتشكر الترحيب

ياريت تتحملوها لما تعبر عن مشاعرها من غير أقنعة أدبية

أهلاً بيكم في الحرملك

أحمد said...

كدا لخبطة و فيه نقط عندك عايمة

في الجسد بصفته قيمة جمالية ، بالضبط زى لوحات محمود سعيد أو جوجان بول و هنا الفرق بين جسد الرجل و الست يتحدد على حسب القيم الفنية
و رؤية الفنان

لكن التعامل الايروسى مع الجسد مختلف تماماً ، ببساطة لأن لكل جسد شفرته الخاصة

KareemFromEgypt said...

هي: طب ما نخليها ألف أسد وسين سبع وغين غضنفر ولام ليث

هو: مش أحسن من لام لبؤة؟

هي: هو مش أحسن قوي، على اعتبار إن الأسد والسبع والغضنفر والليث كلهم ولاد لبؤة في الآخر، فالمفروض يلغوا الفصيلة كلها من كتب العيال



I laughed my @$$ off, it's a shame i don't have an arabic keyboard, some feelings can only be conveyed in arabic.

anyway great work and my guess is that these conversations are real judging from what i hear everyday


keep up the good work

ألِف said...

يعني هو كل حوار من دول موضوع لوحده، لكن أنا لي ذكريات مع اللبؤة بالذات:

في أولى كلية، في نهاية قاعة المحاضرات بنلعب أوتوبيس كومبليه :) في حرف اللام، منافستي كتبت "لبوة". و انتظرت تعرف رد فعلي بكل فضول و براءة بنت مراهقة لئيمة. فصححتلها الكلمة بأنها بالهمزة على الواو و مش زي ما كتبت. و انتظرت أشوف رد فعلها.

بقينا أصحاب كويسين بعد كده.

بعد عشر سنوات من ذلك التاريخ، في ضيعة في جبال اللاذقية وصف الجد حفيدته العنيدة قوية الشخصية بأنها لبؤة. فهمت، لكن مضيفنا لم يفهم أني فهمت و ظن نفسه مضطرا لشرح أنها ليست سبة عندهم كما عندنا.

سخمت لبؤة، شرسة و قوية و حامية لابنائها.

Anonymous said...

المراة المراة

Anonymous said...

منذ طفولتي وانا اكره المراة والسبب في ذلك هو موضوع الجسد هو اعتقادي وشعوري بان المراة لاتحب جسد الرجل كما يحب هو جسدها انا اعرف بالطبع بان جسد المراة اجمل من جسد الرجل وبان يتضمن صفات شكلية ومظهرية لا يتضمنها جسد الرجل ولكننا مع ذلك كنت دائما الهتمام والرغبة في ان يكون جسدي او جسد الرجل عموما محبوبا ربما السبب في ذلك هو طبيعتي النسية النرجسية القائمة على حب الذات او ربما حب الجسد

واثق الخطوة said...

سماء روحي
منتديات سماء روحي
منتديات
خواطر
البرامج
sitemap